ពិនិត្យបន្ទាត់ឥណទាន និងផ្ទៀងផ្ទាត់ការអនុវត្តទម្រង់ព័ត៌មានប្រព័ន្ធគ្រប់គ្រងសង្គមនិងបរិស្ថាន (ESMS) សម្រាប់ស្នើសុំប្រាក់កម្ចីពីស្ថាប័នហរិញ្ញាវត្ថុរបស់គម្រោង ACSEP

ចាប់ពីថ្ងៃទី២៧ ដល់ថ្ងៃទី៣១ ខែឧសភា ឆ្នាំ២០២៤ ក្រុមការងារគម្រោង ACSEP ដឹកនាំដោយលោក រុន វិសិទ្ធិ ប្រធានផ្នែកគាំពារបរិស្ថាន សង្គម និងយេនឌ័រ បានចុះពិនិត្យបន្ទាត់ឥណទាន និងផ្ទៀងផ្ទាត់ការអនុវត្តទម្រង់របាយការណ៍ប្រព័ន្ធគ្រប់គ្រងសង្គមនិងបរិស្ថាន (ESMS)។

ការត្រួតពិនិត្យនេះ ផ្តោតលើឯកសារស្នើសុំប្រាក់កម្ចីរបស់ស្ថាប័នហិរញ្ញវត្ថុដៃគូនៃគម្រោង ដើម្បីធានាថា ការផ្តល់ប្រាក់កម្ចីនីមួយៗអនុលោមតាមស្តង់ដារគាំពារបរិស្ថាន និងសង្គមដែលធនាគារអភិវឌ្ឍន៍អាស៊ីកំណត់។