វគ្គបណ្តុះបណ្តាលពង្រឹងសមត្ថភាពអ្នកចិញ្ចឹមមាន់ស្រុក ស្តីពី ការលើកកម្ពស់ការអនុវត្តការចិញ្ចឹម ការបង្កើនផលិតកម្ម និងការជំរុញនិរន្តរភាព នៃការចិញ្ចឹមមាន់ស្រុក នៅខេត្តត្បូងឃ្មុំ

ចាប់ពីថ្ងៃទី១៨ដល់ថ្ងៃទី២០ ខែកុម្ភៈ ឆ្នាំ២០២៥ សមាសភាគសុខភាពសត្វ និងផលិតកម្មសត្វ របស់គម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) បានរៀបចំវគ្គបណ្តុះបណ្តាលមួយនៅខេត្តត្បូងឃ្មុំ ដើម្បីពង្រឹងសមត្ថភាពដល់អ្នកចិញ្ចឹមមាន់ស្រុកក្នុងតំបន់។

វគ្គបណ្តុះបណ្តាលនេះបានផ្តល់ចំណេះដឹងអំពីវិធីសាស្ត្រចិញ្ចឹមមាន់ស្រុកឲ្យមានប្រសិទ្ធភាព ការគ្រប់គ្រងសុខភាពសត្វ និងវិធានការបង្កើនផលិតកម្មប្រកបដោយចីរភាព ដើម្បីជួយកសិករបង្កើនប្រាក់ចំណូល។

សកម្មភាពនេះស្ថិតក្នុងកិច្ចខិតខំប្រឹងប្រែងបន្តរបស់ ACSEP ក្នុងការជួយអភិវឌ្ឍវិស័យចិញ្ចឹមមាន់ស្រុកនៅខេត្តត្បូងឃ្មុំ និងតំបន់ជុំវិញ ឲ្យរីកចម្រើនប្រកបដោយចីរភាព។