ចាប់ពីថ្ងៃទី២៤ ដល់ថ្ងៃទី២៦ ខែមីនា ឆ្នាំ២០២៦ មន្ត្រីនៃនាយកដ្ឋានកសិ-ឧស្សាហកម្ម ជាអង្គភាពអនុវត្តគម្រោង បានចុះទៅខេត្តកំពង់ចាម និងខេត្តត្បូងឃ្មុំ ដើម្បីរៀបចំកិច្ចប្រជុំពិភាក្សា និងតាមដានស្ថានភាពភាពជាដៃគូធុរកិច្ចប្រកបដោយបរិយាបន្ន។
គោលដៅសំខាន់នៃដំណើរទស្សនកិច្ចនេះ គឺដើម្បីពង្រឹងទំនាក់ទំនងរវាងកសិករ និងសហគ្រាសក្នុងការផលិតកសិកម្មតាមកិច្ចសន្យា ព្រមទាំងស្វែងរកដំណោះស្រាយចំពោះឧបសគ្គដែលកសិករ និងដៃគូអាជីវកម្មកំពុងជួបប្រទះ។