វគ្គបណ្តុះបណ្តាលពង្រឹងសមត្ថភាពភា្នក់ងារសុខភាពសត្វភូមិ ស្តីអំពី ជំងឺបក្សី(មាន់) ការព្យាបាល និងការអនុវត្តជីវសុវត្ថិភាពឲ្យបានត្រឹមត្រូវក្នុងការចិញ្ចឹមមាន់ស្រែនិងភ្ញាស់កូនមាន់ស្រែ

ចាប់ពីថ្ងៃទី១១ ដល់ថ្ងៃទី១៣ ខែមិថុនា ឆ្នាំ២០២៤ ផ្នែកទទួលបន្ទុកសុខភាព និងផលិតកម្មសត្វចិញ្ចឹម ក្រោមគម្រោងប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) បានរៀបចំវគ្គបណ្តុះបណ្តាលមួយ ក្នុងគោលបំណងបង្កើនចំណេះដឹង និងជំនាញដល់ភ្នាក់ងារសុខភាពសត្វនៅតាមភូមិ។

មាតិកាសំខាន់នៃវគ្គបណ្តុះបណ្តាលនេះ រួមមានការធ្វើរោគវិនិច្ឆ័យ និងព្យាបាលជំងឺលើសត្វបក្សី ក៏ដូចជាការណែនាំពីវិធីសាស្ត្រអនុវត្តជីវសុវត្ថិភាពដ៏ត្រឹមត្រូវ សម្រាប់ការចិញ្ចឹមមាន់ស្រែ និងការភ្ញាស់កូនមាន់ ដើម្បីកាត់បន្ថយហានិភ័យនៃការឆ្លងរាលដាលជំងឺនៅតាមគ្រួសារកសិករ។

សកម្មភាពនេះស្ថិតក្នុងកិច្ចខិតខំប្រឹងប្រែងទូទៅរបស់គម្រោង ACSEP ក្នុងការជួយកសិករមូលដ្ឋានធ្វើពិពិធកម្មផលិតកម្ម និងបង្កើនសុវត្ថិភាពក្នុងវិស័យចិញ្ចឹមសត្វ។