ថ្ងៃទី១៣ ខែធ្នូ ឆ្នាំ២០២៣ នាយកដ្ឋានកសិ-ឧស្សាហកម្ម នៃអង្គភាពអនុវត្តគម្រោង ប្រកួតប្រជែងខ្សែច្រវាក់តម្លៃ និងលើកកម្ពស់សុវត្ថិភាពកសិកម្ម (ACSEP) បានរៀបចំវេទិកាផ្គូផ្គងអាជីវកម្មមួយ នៅសណ្ឋាគារមួយកន្លែងក្នុងខេត្តកំពង់ធំ។
កម្មវិធីនេះមានគោលបំណងបង្កើតទំនាក់ទំនងភាពជាដៃគូរវាងសហគ្រាសកសិកម្ម សហគមន៍កសិកម្ម និងកសិករចិញ្ចឹមមាន់ស្រុក ដើម្បីជួយពង្រីកទីផ្សារ និងបង្កើនប្រាក់ចំណូលឲ្យកសិករតាមរយៈការចូលរួមក្នុងខ្សែច្រវាក់តម្លៃប្រកបដោយបរិយាបន្ន។
តាមរយៈវេទិកានេះ ភាគីពាក់ព័ន្ធទាំងអស់មានឱកាសជួបគ្នាដោយផ្ទាល់ ដើម្បីពិភាក្សា និងចរចាលក្ខខណ្ឌទិញ-លក់ជាមួយគ្នា ជាជំហានឆ្ពោះទៅរកកិច្ចសហប្រតិបត្តិការអាជីវកម្មប្រកបដោយចីរភាព។