ពិនិត្យទីតាំងដែលគ្រោងសាងសង់មន្ទីរពិសោធន៍ជាតិសិត្បូ ស្ថិតនៅសង្កាត់សិត្បូ ក្រុងតាខ្មៅ ខេត្ដកណ្ដាល

នាព្រឹកថ្ងៃសុក្រ ទី២២ ខែកញ្ញា ឆ្នាំ២០២៣ លោកបណ្ឌិតនាយកគម្រោង ACSEP បានដឹកនាំក្រុមការងារបេសកកម្មផ្នែកគាំពារបរិស្ថាន និងសង្គម របស់ធនាគារអភិវឌ្ឍន៍អាស៊ី ចុះទស្សនកិច្ចត្រួតពិនិត្យទីតាំង ដែលគ្រោងសាងសង់មន្ទីរពិសោធន៍ជាតិសិត្បូ ស្ថិតនៅសង្កាត់សិត្បូ ក្រុងតាខ្មៅ ខេត្តកណ្តាល។

ការចុះទស្សនកិច្ចនេះមានគោលបំណងវាយតម្លៃលក្ខខណ្ឌជាក់ស្តែងនៃទីតាំង ដើម្បីធានាថាការសាងសង់អនាគតគោរពតាមស្តង់ដារគាំពារបរិស្ថាន និងសង្គមរបស់ដៃគូអភិវឌ្ឍន៍។

ការសហការរវាងគម្រោង និងគណៈគាំពាររបស់ធនាគារអភិវឌ្ឍន៍អាស៊ីនេះ បង្ហាញពីការយកចិត្តទុកដាក់ចំពោះការគ្រប់គ្រងហានិភ័យបរិស្ថាន និងសង្គមតាំងពីដំណាក់កាលដើមនៃការគ្រោងសាងសង់។